كلمات قصيدة الشاعر هشام الجخ الجديدة و التي تحمل عنوان " انا اخوان " وهي التي الفها وقام بالقائها الشاعر المصري هشام الجخ مؤخرا والتي يهاجم فيها الاخوان المسلمين و الرئيس محمد مرسي منتقدا سياستهم التي ينتهجونها !!


https://encrypted-tbn1.gstatic.com/images?q=tbn:ANd9GcQgKToHf0DJ7PfTFlvJiTELbSvIHlvhb9TMqg1KAU_IdPUaNRtS7A
وبعد ان القى الشاعر هشام الجخ تلك القصيدة الساخرة من الاخوان وحكمهم بقيادة الرئيس محمد مرسي راجت اشاعة بان المكتب الفني للنائب العام اصدر قرارا عن طريق المستشار محمد السيد خليفة المحامي العام بمكتب النائب العام وذلك القرار يفيد بضبط و احضار الشاعر الساخر هشام الجخ و القبض عليه والذي تم اليوم الجمعة وذلك للتحقيق معه في التهم المنسوبة اليه باهانة جماعة الاخوان المسلمين و الرئيس محمد مرسي في قصيدتة التي بثها على موقع الفيديوهات يوتيوب وعلى قناتة الخاصة بعد ان قام بغناء القصيدة في حفل مكتبة الاسكندرية والذي عقد يوم الاربعاء الماضي ولكن طل علينا منذ قليل مكتب النائب العام بنفي صدور اي قرارات بشان هشام الجخ.

جدير بالذكر ان الشاعر الغنائي الساخر تناول العديد من القضايا السياسية المختلفة باسلوب ساخر هزلي جعلة من شعبيته تزداد خاصة انه من المحسوبين على التيارات الثورية وليس ممن غيروا ارائهم وانتمائاتهم بعد ثورة يناير و التي اطاحت بالرئيس المصري برئاسة مبارك


فيديو قصيدة انا اخوان للشاعر هشام الجخ









كلمات قصيدة هشام الجخ الجديدة انا اخوان





انا اخوان وكل المسلمين اخوان

فما تصنفش اسلامي علي كيفك

حقيقتي اقوي من زيفك

وصوباعي لوحدة بكفوفك

ولاتهزش قصاد خوفك

ياخوف يا جبان انا اخوان

بطيع الله فملكوته

وبدعي يزيدني من فضلة ومن قوتة

واصلي واصوم

وجاهد نفسي واصبر عالبلا واحمد وحمدي يدوم

لانة الرازق الوهاب وهة مسببب الاسباب

فلية الفضل والمنة ولية الطاعة

فماتبصش لديني نظرة طماعة

انا ديني لا هو سلعة ولا بضاعة

ولا لية سوق

لا انا بايع ولا شاري

ايماني هوة راسمالي

فاصحي وفوق

مانيش اخوان علي نهجك

فلم من الدروب همجك

كفاية شقوق

مش انته لوحك الاخوان

انا اخوان بحق الله وبالسنة وبالقران

وقت الجد انا عثمان

وقت الحرب انا حمزة

ووقت الفصل ببقي فالروق

انا اخوان علي الرحمة وعالتقوي وحب الناس

لكن عمري ماهتاخون باخونتك علي الصندوق

عينيكم فيها كل النور ومش شايفة

غباوة انك تهدد ناس ماهيش خايفة

بتهدد فمين يا حزين

دة انا الاهة اللي طلقوني

وجيعة وسارحة فالشارع

ومش ممكن هتخفوني

هتسمعني وغصب عن عنيك الجوز علي دماغك هترفعني

انا الناس اللي عاشت تحت خط الفقر

وانا الناس اللي ماتت وملتقتش القبر

فسيبك ماللي بيجاملك واللي بيهيص

وركزلي واسمع كلمتي كويس

انا الثورة اللي عملة منك الريس

انا اللي يادوب من سنتين

كنا بنتحبس صحبة

وكنا بنتجلد صحبة

بتبعد ليه وتكتب عالطريق غربة

بتمش فالطريق الصعب وحك لية

مهملنيفلو صعبة عليك الشيلة شيلني

تلاقيني معارضك اة لكني وراك

بقدف فالسفينة معاك

اكون ودنك اكون عينك

اكون جوة فدراعينك

نبني بلدنا لهوانا

مش لهواك

وخيرنا يبقي جوانا مش جواك


مش انتة تخدلي فالقرارات وانا امسح بايدي .....

ماتتلككش بالناس اللي بيعارضوك

ماتتشتش ماتتسوحش

بلدنا عايزة ريس وحش

يسمع نقدة بودانة

مايتكبرش

يكون جبار علي الظالمين

رحيم بينا ينام بينا

ويقوم بينا

يمشي يبص فالشارع علي الجعانين

ويفهم ان فالشارع شباب ثايرين

ملحقوش يبقوا كارهينك

فماتزودش نار الكرة فقلوبهم

شباب شايف فلوس بلدة مش بتخش فجيوبهم

ماتخدعناش ببقين من بتوع حسني يا مولانا

وريلنا كلام

وصدي من الغني قفانا

ماتدبحليش حمامة يتيمة علي عينها

وتفنعني انة ديك رومي

ماتلعبش انتة فالمية وتمسح ايدك المبلولة ف هدومي

ومش كل اما توعد وعد تطلع بق

وماتشدش فرامل اليد وتطلب مني انزل ازق

ولما الناس تكون ثايرة ومختلفة ماتخطبليش ف اتباعك

ولما تكون مع وزيرة ماتعبليش فـ ........

ولا تسمعني ولا اهلي ولا عشيرتي

وخيرنا يبقي لبلدنا قبل ما ابص علي جيرتي

بلدنا احواض من البركة وعمر النيل

بلد دفيانة بالقران وبالانجيل
: 10 مايو، 2013